மஹேலவும் கொலிங்வூடும் இணைவு

இங்கிலாந்து அணியின் பயிற்றுவிப்பாளர் குழாமில், இலங்கை அணியின் முன்னாள் தலைவர் மஹேல  ஜெயவர்தனவும் இங்கிலாந்து அணியின் முன்னாள் தலைவர் போல் கொலிங்வூடும் இணைந்துகொண்டுள்ளனர்.

ஐக்கிய அரபு இராச்சியத்தில் இடம்பெறவுள்ள பாகிஸ்தானுக்கெதிரான தொடரின் போது, பயிற்சிப் போட்டிகளிலும் முதலாவது டெஸ்ட் போட்டியின் போதும் மஹேல, இங்கிலாந்து அணிக்குப் துடுப்பாட்ட ஆலோசகராகச் செயற்படவுள்ளார்.

அதனைத் தொடர்ந்து, அத்தொடரில் ஒருநாள் சர்வதேசப் போட்டிகள், இருபதுக்கு-20 சர்வதேசப் போட்டிகள் ஆகியவற்றில், போல் கொலிங்வூட் துடுப்பாட்ட ஆலோசகராகச் செயற்படவுள்ளார்.