மீண்டும் முதலிடத்தைப் பிடித்தார் கோலி

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்ட வீரர்களுக்கான தரவரிசையில், இந்திய அணியின் தலைவர் விராத் கோலி மீண்டும் முதலிடத்தைப் பிடித்துள்ளார்.

இங்கிலாந்துக்கெதிரான முதலாவது டெஸ்டைத் தொடர்ந்து முதலிடத்தைப் பிடித்திருந்த கோலி, இரண்டாவது டெஸ்டில் சோபிக்காததைத் தொடர்ந்து முதலிடத்தை இழந்திருந்தார், தற்போது மூன்றாவது டெஸ்டில் 200 ஓட்டங்களைப் பெற்றதைத் தொடர்ந்து, தனது அதிகூடிய தரவரிசைப் புள்ளிகளான 937 புள்ளிகளுடன் மீண்டும் முதலிடத்துக்கு முன்னேறியுள்ளார்.

இந்நிலையில், குறித்த மூன்றாவது டெஸ்டின் இரண்டாவது இனிங்ஸில் அரைச்சதம் பெற்ற ஹர்டிக் பாண்டியா, ஒன்பது இடங்கள் முன்னேறி 51ஆம் இடத்தைப் பிடித்துள்ளதுடன், இந்த டெஸ்டில் ஆறு விக்கெட்டுகளைக் கைப்பற்றி டெஸ்ட் போட்டிகளுக்கான பந்துவீச்சாளர்களுக்கான தரவரிசையில் 23 இடங்கள் முன்னேறி 51ஆம் இடத்தைப் பிடித்துள்ளார். இது தவிர, இந்த டெஸ்டின் இரண்டாவது இனிங்ஸில் ஐந்து விக்கெட்டுகளைக் கைப்பற்றிய இந்தியாவின் வேகப்பந்துவீச்சாளர் ஜஸ்பிரிட் பும்ரா 37ஆம் இடத்துக்கு முன்னேறியுள்ளார்.

இதேவேளை, மூன்றாவது டெஸ்டின் இரண்டாவது இனிங்ஸில் சதம் பெற்ற இங்கிலாந்தின் ஜொஸ் பட்லர், தரவரிசையில் 22 இடங்கள் முன்னேறி 47ஆம் இடத்தைப் பிடித்துள்ளார்.

முதல் 10 துடுப்பாட்ட வீரர்களுக்கான தரவரிசை பின்வருமாறு,

1. விராத் கோலி, 2. ஸ்டீவ் ஸ்மித், 3. கேன் வில்லியம்சன், 4. டேவிட் வோணர், 5. ஜோ றூட், 6. செட்டேஸ்வர் புஜாரா, 7. திமுத் கருணாரத்ன, 8. தினேஷ் சந்திமால், 9. டீன் எல்கர், 10. ஏய்டன் மர்க்ரம்.