முதலாமிடத்துக்கு முன்னேறிய பும்ரா

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான பந்துவீச்சாளர்களின் தரவரிசையில் முதலாமிடத்துக்கு இந்தியாவின் ஜஸ்பிரிட் பும்ரா முன்னேறியுள்ளார்.

இங்கிலாந்துக்கெதிரான முதலாவது போட்டியில் 6 விக்கெட்டுகளைக் கைப்பற்றியதைத் தொடர்ந்தே ஐந்தாம் இடத்திலிருந்து நான்கு இடங்கள் முன்னேறி முதலாமிடத்தை பும்ரா அடைந்துள்ளார்.

இதேவேளை, மேற்கிந்தியத் தீவுகளுக்கெதிரான முதலாவது போட்டியில் 3 விக்கெட்டுகளைக் கைப்பற்றிய பங்களாதேஷின் மெஹிடி ஹஸன் மிராஸ், எட்டாமிடத்திலிருந்து இரண்டு இடங்கள் முன்னேறி ஆறாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. ட்ரெண்ட் போல்ட், 3. ஷகீன் ஷா அஃப்ரிடி, 4. ஜொஷ் ஹேசில்வூட், 5. முஜீப் உர் ரஹ்மான், 6. மெஹிடி ஹஸன் மிராஸ், 7. கிறிஸ் வோக்ஸ், 8. மற் ஹென்றி, 9. மொஹமட் நபி, 10. ரஷீட் கான்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. இமாம்-உல்-ஹக், 3. விராட் கோலி, 4. றோஹித் ஷர்மா, 5. குயின்டன் டி கொக், 6. றஸி வான் டர் டுஸன், 7. றொஸ் டெய்லர், 8. ஜொனி பெயார்ஸ்டோ, 9. டேவிட் வோர்னர், 10. ஆரோன் பின்ஞ்.

இந்நிலையில், இங்கிலாந்துக்கெதிரான மூன்று இருபதுக்கு – 20 சர்வதேசப் போட்டிகளிலும் 172 ஓட்டங்களைப் பெற்ற இந்தியாவின் சூரியகுமார் யாதவ், துடுப்பாட்டவீரர்களின் தரவரிசையில் 49ஆம் இடத்திலிருந்து 44 இடங்கள் முன்னேறி ஐந்தாமிடத்தை அடைந்துள்ளார்.

இதேவேளை, பங்களாதேஷுக்கெதிரான மூன்றாவது போட்டியில் 74 ஓட்டங்களைப் பெற்ற மேற்கிந்தியத் தீவுகளின் நிக்கலஸ் பூரான், 13ஆம் இடத்திலிருந்து ஐந்து இடங்கள் முன்னேறி எட்டாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. மொஹமட் றிஸ்வான், 3. ஏய்டன் மார்க்ரம், 4. டேவிட் மலான், 5. சூரியகுமார் யாதவ், 6. ஆரோன் பின்ஞ், 7. டெவோன் கொன்வே, 8. நிக்கலஸ் பூரான், 9. பதும் நிஸங்க, 10. மார்டின் கப்தில், றஸி வான் டர் டுஸன்.

இதேவேளை, இங்கிலாந்துக்கெதிரான முதலிரண்டு போட்டிகளிலும் 4 விக்கெட்டுகளைக் கைப்பற்றிய இந்தியாவின் புவ்னேஷ்வர் குமார், 14ஆம் இடத்திலிருந்து ஏழு இடங்கள் முன்னேறி ஏழாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜொஷ் ஹேசில்வூட், 2. அடில் ரஷீட், 3. ரஷீட் கான், தப்ரையாஸ் ஷம்சி, 5. அடம் ஸாம்பா, 6. வனிடு ஹஸரங்க, 7. புவ்னேஷ்வர் குமார், அன்றிச் நொர்ட்ஜே, 9. அகீல் ஹொஸைன், மகேஷ் தீக்‌ஷன.

இந்நிலையில், அவுஸ்திரேலியாவுக்கெதிரான இரண்டாவது டெஸ்டில் 86 ஓட்டங்களைப் பெற்ற இலங்கையணியின் தலைவர் திமுத் கருணாரத்ன, எட்டாமிடத்திலிருந்து ஓரிடம் முன்னேறி ஏழாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. மர்னுஸ் லபுஷைன், 3. ஸ்டீவ் ஸ்மித், 4. பாபர் அஸாம், 5. றிஷப் பண்ட், 6. கேன் வில்லியம்ஸன், 7. திமுத் கருணாரத்ன, 8. உஸ்மான் கவாஜா, 9. றோஹித் ஷர்மா, 10. ஜொனி பெயார்ஸ்டோ.

இதேவேளை, குறித்த டெஸ்டில் 4 விக்கெட்டுகளைக் கைப்பற்றிய அவுஸ்திரேலியாவின் மிற்செல் ஸ்டார்க், 12ஆம் இடத்திலிருந்து இரண்டு இடங்கள் முன்னேறி 10ஆம் இடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. இரவிச்சந்திரன் அஷ்வின், 3. ஜஸ்பிரிட் பும்ரா, 4. ஷகீன் ஷா அஃப்ரிடி, 5. ககிஸோ றபாடா, 6. ஜேம்ஸ் அன்டர்சன், 7. கைல் ஜேமிஸன், 8. கேமார் றோச், 9. நீல் வக்னர், 10. மிற்செல் ஸ்டார்க்.