முதலாமிடத்துக்கு முன்னேறிய றூட்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களுக்கான தரவரிசையில் முதலாமிடத்துக்கு றூட் முன்னேறியுள்ளார்.

அவுஸ்திரேலியாவுக்கெதிரான முதலாவது டெஸ்டில் 164 ஓட்டங்களைப் பெற்றமையைத் தொடர்ந்தே ஆறாமிடத்திலிருந்து ஐந்து இடங்கள் முன்னேறி முதலாமிடத்தை றூட் அடைந்துள்ளார்.

இப்போட்டியில் 206 ஓட்டங்களைப் பெற்ற அவுஸ்திரேலியாவின் உஸ்மான் கவாஜா, ஒன்பதாமிடத்திலிருந்து இரண்டு இடங்கள் முன்னேறி ஏழாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. கேன் வில்லியம்ஸன், 3. மர்னுஸ் லபுஷைன், 4. ட்ரெவிஸ் ஹெட், 5. பாபர் அஸாம், 6. ஸ்டீவ் ஸ்மித், 7. உஸ்மான் கவாஜா, 8. டரைல் மிற்செல், 9. திமுத் கருணாரத்ன, 10. றிஷப் பண்ட்.

இந்நிலையில் குறித்த டெஸ்டில் 5 விக்கெட்டுகளைக் கைப்பற்றிய இங்கிலாந்தின் ஒலி றொபின்ஸன், ஆறாமிடத்திலிருந்து ஓரிடம் முன்னேறி ஐந்தாமிடத்தை அடைந்துள்ளார்.

இதே போட்டியில் 8 விக்கெட்டுகளைக் கைப்பற்றிய அவுஸ்திரேலியாவின் நேதன் லையன், ஏழாமிடத்திலிருந்து ஓரிடம் முன்னேறி ஆறாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. இரவிச்சந்திரன் அஷ்வின், 2. ஜேம்ஸ் அன்டர்சன், 3. ககிஸோ றபாடா, 4. பற் கமின்ஸ், 5. ஒலி றொபின்ஸன், 6. நேதன் லையன், 7. ஷகீன் ஷா அஃப்ரிடி, 8. ஜஸ்பிரிட் பும்ரா, 9. இரவீந்திர ஜடேஜா.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. இரவிச்சந்திரன் அஷ்வின், 3. ஷகிப் அல் ஹஸன், 4. அக்ஸர் பட்டேல், 5. பென் ஸ்டோக்ஸ்.