முதலாவது டெஸ்டின் மதிய இடைவேளையில் இந்தியா முன்னிலை

இலங்கைக்கெதிரான முதலாவது டெஸ்டில் இன்றைய முதல் நாள் மதிய நேர இடைவேளையில் முன்னிலையில் இந்தியா காணப்படுகின்றது.

இரண்டு போட்டிகள் கொண்ட இத்தொடரில், மொஹாலியில் நடைபெற்றுவரும் இப்போட்டியில் முதலில் துடுப்பெடுத்தாடிவரும் இந்தியா, மதிய நேர இடைவேளையின்போது தமது முதலாவது இனிங்ஸில் 2 விக்கெட்டுகளை இழந்து 109 ஓட்டங்களைப் பெற்றுள்ளது.

தற்போது களத்தில், ஹனும விஹாரி 30, விராட் கோலி 15 ஓட்டங்களுடன் ஆட்டமிழக்காமலுள்ளனர். முன்னதாக, மாயங்க் அகர்வால் 33, அணித்தலைவர் றோஹித் ஷர்மா 29 ஓட்டங்களுடன் ஆட்டமிழந்திருந்தனர். பந்துவீச்சில், லஹிரு குமார, லசித் எம்புல்தெனிய ஆகியோர் தலா ஒவ்வொரு விக்கெட்டைக் கைப்பற்றியிருந்தனர்.