முதலாவது போட்டியில் நடராஜன் இல்லை?

இங்கிலாந்துக்கெதிரான இருபதுக்கு – 20 சர்வதேசப் போட்டித் தொடரில், நாளை மறுதினம் இடம்பெறவுள்ள முதலாவது போட்டியில் வேகப்பந்துவீச்சாளர் தங்கராசு நடராஜன் பங்கேற்கமாட்டார் எனத் தெரிகிறது.

தனது காயத்திலிருந்து குணமடைவதற்காக, பெங்களூருவிலுள்ள தேசிய கிரிக்கெட் அகடமியில் நடராஜனுள்ளதாகத் தெரிவிக்கப்படுகிறது.

இந்நிலையில், சுழற்பந்துவீச்சாளர் வருண் சக்கரவர்த்தி இத்தொடரைத் தவறவிடவுள்ளார். உடற்றகுதிச் சோதனையில் தேற சக்கரவர்த்தி தவறியுள்ளார். இவருக்குப் பதிலாக ராகுல் சாஹர் குழாமில் இடம்பெறுவார் எனத் தெரிகிறது.

இதுதவிர, சகலதுறைவீரர் ராகுல் டெவாட்டியாவும் உடற்றகுதிச் சோதனையில் தேறாதபோதும் அவர் அணியுடனுள்ளமை குறிப்பிடத்தக்கது.