மூன்றாமிடத்துக்கு முன்னேறிய திலக் வர்மா

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான துடுப்பாட்டவீரர்களுக்கான தரவரிசையில் மூன்றாமிடத்துக்கு இந்தியாவின் திலக் வர்மா முன்னேறியுள்ளார்.

ஓமான், பாகிஸ்தானுக்கெதிரான ஆசியக் கிண்ணப் போட்டிகளில் 29, 30 ஓட்டங்களை வர்மா பெற்ற நிலையிலேயே நான்காமிடத்திலிருந்து ஓரிடம் முன்னேறி மூன்றாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. அபிஷேக் ஷர்மா, 2. பில் ஸோல்ட், 3. திலக் வர்மா, 4. ஜொஸ் பட்லர், 5. ட்ரெவிஸ் ஹெட், 6. சூரியகுமார் யாதவ், 7. பதும் நிஸங்க, 8. டிம் செய்ஃபேர்ட், 9. டிம் டேவிட், 10. டெவால்ட் பிறெவிஸ்.

இதேவேளை ஆசியக் கிண்ணத்தின் ஐக்கிய அரபு அமீரகம், இந்தியா, இலங்கைக்கெதிரான போட்டிகளில் 4 விக்கெட்டுகளை கைப்பற்றிய பாகிஸ்தானின் அப்ரார் அஹ்மட், 16ஆம் இடத்திலிருந்து 12 இடங்கள் முன்னேறி நான்காமிடத்தையடைந்துள்ளார்.

இதுதவிர ஆசியக் கிண்ணத்தின் பங்களாதேஷ், பாகிஸ்தானுக்கிடையிலான போட்டிகளில் 4 விக்கெட்டுகளைக் கைப்பற்றிய இலங்கையின் வனிது ஹசரங்க, ஏழாமிடத்திலிருந்து ஓரிடம் முன்னேறி ஆறாமிடத்தையடைந்துள்ளார்.

இந்நிலையில் இலங்கைக்கெதிரான ஆசியக் கிண்ணப் போட்டியில் 3 விக்கெட்டுகளைக் கைப்பற்றிய பங்களாதேஷின் முஸ்தபிசூர் ரஹ்மான், 15ஆம் இடத்திலிருந்து ஆறு இடங்கள் முன்னேறி ஒன்பதாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. வருண் சக்கரவர்த்தி, 2. ஜேக்கப் டஃபி, 3. அகீல் ஹொஸைன், 4. அப்ரார் அஹ்மட், 5. அடம் ஸாம்பா, 6. அடில் ரஷீட், வனிது ஹசரங்க, 8. நுவான் துஷார, 9. முஸ்தபிசூர் ரஹ்மான், ரஷீட் கான்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஹர்திக் பாண்டியா, 2. மொஹமட் நபி, 3. சிகண்டர் ராசா, 4. டிபேந்திர சிங் ஐரீ, 5. சைம் அயூப்.