மொச்சென்கிளெட்பாவை வென்ற சிற்றி

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரில், ஹங்கேரியின் தலைநகர் புடாபெஸ்டில் இன்று அதிகாலை நடைபெற்ற ஜேர்மனிய புண்டெலிஸ்கா கழகமான பொரூசியா மொச்சென்கிளெட்பாவுடனான இறுதி 16 அணிகளுக்கான முதலாவது சுற்றுப் போட்டியில் 2-0 என்ற கோல் கணக்கில் இங்கிலாந்து பிறீமியர் லீக் கழகமான மன்செஸ்டர் சிற்றி வென்றது.

சிற்றி சார்பாக, பெர்ணார்டோ சில்வா, கப்ரியல் ஜெஸூஸ் ஆகியோர் தலா ஒவ்வ்வொரு கோலைப் பெற்றனர்.

இதேவேளை, இத்தாலிய சீரி ஏ கழகமான அத்லாண்டாவின் மைதானத்தில் நடைபெற்ற அவ்வணியுடனான இறுதி 16 அணிகளுக்கான முதலாவது சுற்றுப் போட்டியில் 1-0 என்ற கோல் கணக்கில் ஸ்பானிய லா லிகா கழகமான றியல் மட்ரிட் வென்றது. றியல் மட்ரிட் சார்பாகப் பெறப்பட்ட கோலை பெர்லான்ட் மென்டி பெற்றிருந்தார்.