றோமாவை விட்டு விலகுகிறார் டி றோசி

நடப்பு பருவகாலத்துடன், இத்தாலிய சீரி ஏ கழகமான றோமாவிலிருந்து அக்கழகத்தின் அணித்தலைவரும், மத்தியகளவீரருமான டேனியல் டி றோசி விலகுகின்றார்.

றோமாவில் 2000ஆம் ஆண்டு இணைந்திருந்த டேனியல் டி றோசி, றோமாவுக்காக 615 போட்டிகளில் விளையாடி அவ்வணிக்காக 63 கோல்களைப் பெற்றிருந்தார்.

இந்நிலையில், டேனியல் டி றோசி ஓய்வு பெறவில்லை எனத் தெரிவித்த றோமாவின் அறிக்கையொன்று, வேறு எங்கோ செல்கின்றார் எனக் கூறியிருந்தது.

றோமாவுடன் கோப்பா இத்தாலியாவை இரண்டு தடவையும், சுப்பர் கோப்பாவை ஒரு தடவையும் வென்றிருந்த டேனியல் டி றோசி, றோமாவில் பணிப்பாளரொருவாக மாறும் வாய்ப்பை நிராகரித்திருந்தார்.