லங்கா பிறீமியர் லீக் தாமதமாகிறது

இலங்கை அரசாங்கத்தின் தனிமைப்படுத்தலுக்குத் தேவையான சுகாதார நடைமுறைகளைப் பின்பற்றுவதற்கு வீரர்கள் போதுமான காலத்தைக் கொண்டிருப்பதை உறுதிப்படுத்துவதற்காக இலங்கையின் உள்ளூர் இருபதுக்கு – 20 தொடரான லங்கா பிறீமியர் லீக் ஆரம்பிக்கும் திகதியை அடுத்த மாதம் 14ஆம் திகதியிலிருந்து 21ஆம் திகதியாக இலங்கை கிரிக்கெட் சபை மாற்றியுள்ளது.

தற்போது நடைபெற்றுக் கொண்டிருக்கும் இந்தியாவின் உள்ளூர் இருபதுக்கு – 20 தொடரான இந்தியன் பிறீமியர் லீக்கில் பங்கேற்கும் வீரர்கள் லங்கா பிறீமியர் லீக்கில் பங்கேற்கும் வாய்ப்பை குறித்த திகதி மாற்றமானது வழங்கியுள்ளது.

இதேவேளை, இன்று நடைபெறவிருந்த வீரர்கள் தெரிவானது இம்மாதம் ஒன்பதாம் திகதி நடைபெறவுள்ளது.