லெய்செஸ்டரை வீழ்த்திய எவெர்ற்றன்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், தமது மைதானத்தில் சனிக்கிழமை (01) நடைபெற்ற லெய்செஸ்டர் சிற்றியுடனான போட்டியில் 4-0 என்ற கோல் கணக்கில் எவெர்ற்றன் வென்றது.

எவெர்ற்றன் சார்பாக பெட்டோ இரண்டு கோல்களையும், அப்துலாயி டூக்கோரே, இலிமான் என்டியாயே ஆகியோர் தலா ஒவ்வொரு கோலையும் பெற்றனர்.

பிறீமியர் லீக் புள்ளிகள் பட்டியலில் 56 புள்ளிகளுடன் முதலாமிடத்தில் லிவர்பூல் காணப்படுகின்றது. 47 புள்ளிகளுடன் ஆர்சனலும், நொட்டிங்ஹாம் பொரெஸ்டும் காணப்படுகின்றபோதும் கோலெண்ணிக்கை அடிப்படையில் இரண்டாமிடத்தில் ஆர்சனலும், மூன்றாமிடத்தில் பொரெஸ்டும் காணப்படுகின்றன. நடப்புச் சம்பியன்களான மன்செஸ்டர் சிற்றியும், நியூகாசில் யுனைட்டெட்டும் தலா 41 புள்ளிகளைப் பெற்றுள்ளபோதும் கோலெண்ணிக்கை அடிப்படையில் நான்காமிடத்தில் சிற்றியும், ஐந்தாமிடத்தில் நியூகாசில் யுனைட்டெட்டும் காணப்படுகின்றன. இதில் மற்றைய அணிகளை விட பொரெஸ்டும், நியூகாசிலும் தலா ஒரு போட்டி அதிகமாக விளையாடியுள்ளது.