வோணரின் மனைவிக்கு கருச்சிதைவு

அவுஸ்திரேலிய கிரிக்கெட் அணியின் உபதலைவரான டேவிட் வோணர் பங்கெடுத்திருந்த பந்தைச் சேதப்படுத்திய விவகாரத்தைத் தொடர்ந்து, அவரது மனைவி கருச்சிதைவுக்கு உள்ளாகியுள்ளார்.

டேவிட் வோணருக்கு ஓராண்டுத் தடை விதிக்கப்பட்டு அவுஸ்திரேலியாவின் தென்னாபிரிக்காவுக்கான சுற்றுப் பயணத்திலிருந்து அவுஸ்திரேலியாவுக்கு அனுப்பப்பட்ட நிலையில், இவ்வாண்டு மார்ச் மாத இறுதியில் அவர் ஊடகச் சந்திப்பொன்றை நடாத்திய ஒரு வாரத்திலேயே தமது குழந்தையை தாம் இழந்ததாக வோணரின் மனைவியான கன்டிஸ் வோணர் இன்று வெளிப்படுத்தியுள்ளார்.

மன அழுத்தம், கடினமான விமானப் பயணம் காரணமாகவே குழந்தையை இழந்ததாக கன்டிஸ் வோணர் மேலும் கூறியுள்ளார்.