ஸ்பானிய லா லிகா: அத்லெட்டிகோ வென்ற றியல்

ஸ்பானிய லா லிகா தொடரில், தமது மைதானத்தில் திங்கட்கிழமை (23) நடைபெற்ற அத்லெட்டிகோ மட்ரிட்டுடனான போட்டியில் 3-2 என்ற கோல் கணக்கில் றியல் மட்ரிட் வென்றது.

றியல் சார்பாக வினிஷியஸ் ஜூனியர் இரண்டு கோல்களையும் பெடெரிக்கோ வல்வர்டே ஒரு கோலையும் பெற்றனர். அத்லெட்டிகோ சார்பாக அடெமோலா லுக்மன், நெளவல் மொலினா ஆகியோர் தலா ஒவ்வொரு கோலைப் பெற்றனர்.

லா லிகா புள்ளிகள் பட்டியலில் 73 புள்ளிகளுடன் முதலாமிடத்தில் நடப்புச் சம்பியன்களான பார்சிலோனா காணப்படுகின்றது. 69 புள்ளிகளுடன் இரண்டாமிடத்தில் றியலும் 58 புள்ளிகளுடன் மூன்றாமிடத்தில் வில்லாறியலும் 57 புள்ளிகளுடன் நான்காமிடத்தில் அத்லெட்டிகோவும் காணப்படுகின்றன.