ஹோல் ஒஃப் பேமில் சங்கா

சர்வதேச கிரிக்கெட் சபையின் ஹோல் ஒஃப் பேமில், இலங்கை அணியின் முன்னாள் அணித் தலைவரான குமார் சங்கக்கார உள்ளடக்கப்பட்டுள்ளார்.

அந்தவகையில், முத்தையா முரளிதரனுக்கு அடுத்ததாக, இந்த ஹோல் ஓஃப் பேமில் உள்ளடக்கப்பட்டுள்ள இரண்டாவது இலங்கையராக சங்கக்கார மாறியுள்ளார்.

கடந்த 2015ஆம் ஆண்டு ஓய்வுபெற்ற சங்கக்கார, 134 டெஸ்ட் போட்டிகளில், 57.40 என்ற சராசரியில் 12,400 ஓட்டங்களைப் பெற்றதுடன், 404 ஒருநாள் சர்வதேசப் போட்டிகளில் 41.98 என்ற சராசரியில் 14,234 ஓட்டங்களைப் பெற்றிருந்தார்.

இதேவேளை, சங்ககாரவுடன் சிம்பாப்வேயின் முன்னாள் அணித் தலைவரான அன்டி பிளவரும் ஹோல் ஒஃப் பேமில் உள்ளடக்கப்பட்டுள்ளார்.