தென் ஆபிரிக்கா அணிக்கு இரண்டாவது வெற்றி

தென் ஆபிரிக்கா, சிம்பாவே அணிகளுக்கிடையில் நடைபெற்ற இரண்டாவது ஒருநாள் சர்வதேசப் போட்டியில் தென் ஆபிரிக்கா அணி 65 ஓட்டங்களினால் வெற்றி பெற்றுள்ளது. சிம்பாவே புலவாயோவில் நடைபெற்ற இந்தப் போட்டியில் முதலில் துடுப்பாடிய தென் ஆபிரிக்கா அணி 49.4 ஓவர்களில் சகல விக்கெட்களையும் இழந்து 257 ஓட்டங்களைப் பெற்றது. இதில் பப் டு பிலேசிஸ் 55 ஓட்டங்களையும், டேவிட் மில்லர்  45 ஓட்டங்களையும், குயின்டன் டி கொக் 38 ஓட்டங்களையும் பெற்றனர். பந்துவீச்சில் சிம்பாவே அணி சார்பாக  பிரைன் விட்டோரி, புரொஸ்பர் உடேய்ஸா, ஜோன் நைம்பு, சீன் வில்லியம்ஸ் ஆகியோர் தலா 2 விக்கட்களைக் கைப்பற்றினர். 

 

பதிலுக்கு துடுப்பாடிய சிம்பாவே அணி 49.1 ஓவர்களில் 196 ஓட்டங்களைப் பெற்று சகல விக்கெட்களையும் இழந்தது. சீன் வில்லியம்ஸ் 55 ஓட்டங்களைப் பெற்றார். வெய்ன் பார்னல், ரயன் ஹரிஸ் ஆகியோர் தலா 3 விக்கெட்களைக் கைப்பற்றினர். துடுப்பாட்டத்தில் 24 ஓட்டங்களைப் பெற்று 3 விக்கெட்களைக் கைப்பற்றிய வெய்ன் பார்னல் போட்டியின் நாயகனாக தெரிவானார். 

 

இந்த வெற்றியின் மூலம் மூன்று போட்டிகள் அடங்கிய தொடரில் 2 இற்கு 0 என்ற ரீதியில் தென் ஆபிரிக்கா அணி முன்னிலை பெற்றுள்ளது.