வெற்றியை அண்மித்துள்ளது பாகிஸ்தான்

பாகிஸ்தான், நியூசிலாந்து அணிகளுக்கிடையிலான டெஸ்ட் போட்டியின் மூன்றாம் நாள் நிறைவில் வெற்றிக்கான வாய்ப்புகளை பாகிஸ்தான் முழுமையாக பெற்றுள்ளது. நியூசிலாந்து அணி தமது முதல் இன்னிங்சில் 262 ஓட்டங்களைப் பெற்றுள்ளது. இதில் ரொம் லதாம் 103 ஓட்டங்களையும், கூரே அன்டர்சன் 48 ஓட்டங்களையும் பெற்றனர். ரஹாத் அலி 4 விக்கெட்களையும், சுல்பிகார் பாபர் 3 விக்கெட்களையும் கைப்பற்றினர். 304 ஓட்டங்கள் முன்னிலையில் இருந்தபோதும் நியூசிலாந்தை துடுப்பாட அழைக்காமல் பாகிஸ்தான் அணி இரண்டாம் இன்னிங்சிற்க்காக துடுப்பாடுகிறது. விக்கெட் இழப்புகள் இன்றி 15 ஓட்டங்களை பாகிஸ்தான் அணி பெற்றுள்ளது. 

 

முன்னதாக பாகிஸ்தான் அணி தமது முதல் இன்னிங்சில் 3 விக்கெட் இழப்பிற்கு 566 ஓட்டங்களை பெற்று தமது துடுப்பாட்டத்தை இடைநிறுத்தியது. இதில் அஹெமட் ஷெஷாட் 176 ஓட்டங்களையும், யூனுஸ் கான் ஆட்டமிழக்காமல் 100 ஓட்டங்களை பெற்றுக் கொண்டார். கடந்த 5 இன்னிங்சில் பெற்ற நான்காவது சதமாக இது அமைந்துள்ளது. மிஸ்பா உல் ஹக் தொடர்ச்சியான மூன்றாவது சதத்தைப் பெற்றுக் கொண்டார். அவர் ஆட்டமிழக்காமல் 102 ஓட்டங்களைப் பெற்றுக் கொண்டார். மொஹமட் ஹபீஸ் 92 ஓட்டங்களயும், ஆஷார் அலி 87 ஓட்டங்களையும் பெற்றனர். பந்துவீச்சில் கூரே அன்டர்சன் 2 விக்கெட்களைக் கைப்பற்றினர்.