3ஆவது டெஸ்டில் முன்னிலையில் அவுஸ்திரேலியா

தென்னாபிரிக்காவுக்கெதிரான மூன்றாவது டெஸ்டில் முன்னிலையில் அவுஸ்திரேலியா காணப்படுகின்றது.

மூன்று போட்டிகள் கொண்ட இத்தொடரின் முதலிரண்டு போட்டிகளையும் வென்ற அவுஸ்திரேலியா தொடரை ஏற்கெனவே கைப்பற்றிய நிலையில், சிட்னியில் இன்று ஆரம்பித்த இப்போட்டியின் நாணயச் சுழற்சியில் வென்ற அவுஸ்திரேலியாவின் அணித்தலைவர் பற் கமின்ஸ், தமதணி முதலில் துடுப்பெடுத்தாடும் என அறிவித்தார்.

அந்தவகையில் முதலில் துடுப்பெடுத்தாடி வரும் அவுஸ்திரேலியா, மழையால் பாதிக்கப்பட்ட முதல் நாள் முடிவில் தமது முதலாவது இனிங்ஸில் 2 விக்கெட்டுகளை இழந்து 147 ஓட்டங்களைப் பெற்றுள்ளது. தற்போது களத்தில், உஸ்மான் கவாஜா 54 ஓட்டங்களுடன் ஆட்டமிழக்காமலுள்ளார். முன்னதாக மர்னுஸ் லபுஷைன் 79 ஓட்டங்களுடன் ஆட்டமிழந்திருந்தார். வீழ்த்தப்பட்ட 2 விக்கெட்டுகளையும் அன்றிச் நொர்கியா வீழ்த்தியிருந்தார்.