ஆலோசனைக் குழு உறுப்பினராக சாணாக்கியன் எம்.பி

எம்.எஸ்.எம்.நூர்தின்

நாட்டின் அபிவிருத்தியிலும் வளர்ச்சியிலும் பங்குகொள்ளும் முகவர் நிறுவனங்களினது நடவடிக்கைகளைக் கண்காணிக்கும் ஆலோசனைக் குழு உறுப்பினராக தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் இரா.சாணாக்கியன் நியமிக்கப்பட்டுள்ளார்.

இக்குழு உறுப்பினராக நாடாளுமன்றத்தால் இவர் நியமிக்கப்பட்டுள்ளார். சபாநாயகர் மஹிந்த யாப்பா அபேயவர்தனவால் இந்த புதிய நியமனம் வழங்கப்பட்டுள்ளது.

இந்தக் குழுவானது நாட்டின் அபிவிருத்தியிலும் வளர்ச்சியிலும் பங்குகொள்ளும் முகவர் நிறுவனங்களினது நடவடிக்கைகளை கண்காணிக்கும் ஆலோசனைக் குழுவாகும். இதில் பல்வேறு அரச சார்பற்ற நிறுவனங்கள் அடங்குகின்றன. 14 உறுப்பினர்களைக் கொண்ட இந்தக் குழுவின் முதலாவது கூட்டம், நாளை (08) நடைபெறவுள்ளமை குறிப்பிடத்தக்கது.