இரத்த தானம் செய்ய வருமாறு பொது அழைப்பு

ஸ்ரீலங்கா தௌஹீத் ஜமாஅத் ஏறாவூர் கிளையின் ஏற்பாட்டில், ஏறாவூர் அல்முனீறா பாலிகா மகாவித்தியாலய கேட்போர் கூடத்தில், எதிர்வரும் 3ஆம் திகதி, இரத்ததான முகாமான்று இடம்பெறவுள்ளதாக அறிவிக்கப்பட்டுள்ளது.

இந்த இரத்ததான முகாம், காலை 8 மணி தொடக்கம் மாலை 4 மணிவரை இடம்பெறும் என்று ​அறிவிக்கப்பட்டுள்ளது.

மட்டக்களப்பு போதனா வைத்தியசாலையின் இரத்த வங்கிப் பிரிவு வைத்தியர்கள் மற்றும் தாதியர்களால் வழங்கப்படும் இந்த இரத்ததானம், மட்டக்களப்பு இரத்த வங்கிக்காக சேமிக்கப்படுகின்றது.

இரத்த தானம் வழங்கவுள்ள பெண்களுக்கென்று, விஷேட ஏற்பாடுகள் செய்யப்பட்டுள்ளதாக, ஏற்பாட்டாளர்கள் தெரிவித்துள்ளனர்.  இந்த இரத்ததானத்தில் பங்கேற்குமாறு, பொதுமக்கள் கோரப்பட்டுள்ளனர்.