ஏணியில் ஏறியவர் விழுந்து மரணம்

-ஏ.எச்.ஏ.ஹுஸைன்

மட்டக்களப்பு, புதிய காத்தான்குடிப் பிரதேசத்தில் நேற்றுப் புதன்கிழமை ஏணியில் ஏறிய அப்பகுதியைச் சேர்ந்த முச்சக்கரவண்டிச் சாரதியான 04 பிள்ளைகளின் தந்தையான ஆதம்பாவா முஹம்மது ஹனீபா (வயது 47) என்ற குடும்பஸ்தர்  உயிரிழந்துள்ளார்.  

இவர் தனது வீட்டிலுள்ள செயலிழந்த மின்குமிழை அகற்றி புதிய மின்குமிழைப் பொருத்துவதற்காக ஏணியில் ஏறியபோது இவர் சறுக்கி கீழே விழுந்துள்ளார்.

இவர் காத்தான்குடி ஆதார வைத்தியசாலையில் அனுமதிக்கப்பட்டபோதும் சிகிச்சை பயனின்றி உயிரிழந்துள்ளார் என வைத்தியசாலைத் தகவல்கள் தெரிவிக்கின்றன.