கஞ்சாவுடன் ஆணொருவர் கைது

-ஏ.எச்.ஏ. ஹுஸைன்
 
மட்டக்களப்பு, ஏறாவூர் பொலிஸ் பிரிவிலுள்ள கோரகல்லிமடு பிரதேசத்தில் கஞ்சாவை விற்பனைக்காக தம்வசம் வைத்துக் கொண்டு உள் வீதியில் நடமாடிய குடும்பஸ்தர் ஒருவர், இன்று திங்கட்கிழமை (15) கைது செய்யப்பட்டுள்ளதாகப் பொலிஸார் தெரிவித்தனர்.
 
பொதுமக்களிடமிருந்து கிடைக்கப்பெற்ற தகவலின் அடிப்படையில் ஸ்தலத்துக்குச் சென்ற பொலிஸார், 5190 மில்லிகிராம் கஞ்சாவுடன் 43 வயதான ஆணொருவரையே கைதுசெய்துள்ளனர்.
 
இச்சம்பவம் பற்றி பொலிஸார், மேலதிக விசாரணைகளில் ஈடுபட்டுள்ளனர்.