காரியாலயங்களில் கை கழுவும் ஏற்பாடு

ஏ.எச்.ஏ. ஹுஸைன், எம்.எஸ்.எம்.நூர்தீன்

கொரோனா உயிர்க்  கொல்லி வைரஸ் தாக்கத்திலிருந்து தங்களைப் பாதுகாத்துக் கொள்ளும் நடவடிக்கையாக, மட்டக்களப்பு மாவட்டச் செயலகத்தில் கை கழுவும் ஏற்பாடுகள் செய்யப்பட்டிருப்பதாக, மாவட்டச் செயலக ஊடகப்பிரிவு அறிவித்தள்ளது.

பொதுநிர்வாக உள்நாட்டு உள்ளுராட்சி அலுவல்கள் மாகாண சபைகள் அமைச்சின் சுற்றுநிருபத்தின் பிரகாரம், இந்த ஏற்பாடு செய்யப்பட்டுள்ளதாகவும் அந்த அறிவிப்பில் தெரிவிக்கப்பட்டுள்ளது.

மாவட்டச் செயலக உத்தியோகத்தர்கள் அங்கு வருகை தரும் பொதுமக்கள் தமது கைகளைச் சுத்தப்படுத்திக் கொள்ளுமாறு கேட்டுக் கொள்ளப்பட்டுள்ளார்கள்.

இதேவேளை, மட்டக்களப்பு மாவட்டச் செயலகத்துக்கு வேட்புமனுக்களை தாக்கல் செய்ய வருகை தந்தை சகல வேட்பாளர்கள், அரசியல் கட்சிகளின் பிரமுகர்கள் தமது கைகளை கழுவிய பின்னர் உள்ளே செல்லே அனுமதிக்கப்பட்டனர்.