குழந்தையின் வயிற்றில் குண்டூசி

ஏ.எச்.ஏ. ஹுஸைன்

மேசையில் கிடந்த குண்டூசியை விழுங்கிய 4 வயது குழந்தை, மட்டக்களப்பு போதான வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.

ஏறாவூர் பகுதியைச் சேர்ந்த குழந்தையே, இவ்வாறு குண்டூசியை விழுங்கி பாதிப்புக்குள்ளாகியுள்ளது. குழந்தை குண்டூசியை விழுங்கியதைக் கண்ட பெற்றோர், குழந்தையை வைத்தியசாலையில் அனுமதித்தாகவும், விழுங்கிய குண்டூசி, குடலில் நிலைக்குத்தாக இருப்பதாகவும் எக்ஸ்ரே பரிசோதனையின் மூலம் தெரியவந்துள்ளதாகவும் வைத்தியசாலையில் தெரிவிக்கப்பட்டது.

குழந்தைக்கு, இயற்கையான முறையில் மலத்துடன் குண்டூசியை வெளியேற்றுவதற்கான சிகிச்சை அளிக்கப்பட்டு வருவதாக தெரிவிக்கப்படுகின்றது.