குழு நியமனம்

-கே.எல்.ரி.யுதாஜித்,

மட்டக்களப்பு மாவட்டத்தில் சிறு கைத்தொழில்களையும் அவற்றின்   முயற்சியாளர்களையும்  மேம்படுத்துவது தொடர்பில் ஆராய்வதற்காக அம்மாவட்ட அரசாங்க அதிபர் திருமதி பி.எஸ்.எம்.சார்ள்ஸினால்  குழுவொன்று  நியமிக்கப்பட்டுள்ளது.
மாவட்டச் செயலகத்தில் மாவட்ட அரசாங்க அதிபர் தலைமையில் நேற்று வியாழக்கிழமை நடைபெற்ற கூட்டத்திலேயே இந்தக் குழு நியமிக்கப்பட்டது.

இந்தக் கூட்டத்தில் மாவட்டத்தின் அபிவிருத்திக்கு சிறு கைத்தொழில் மேம்பாட்டின் முக்கியத்துவம் பற்றி ஆராயப்பட்டதுடன், இது தொடர்பான நடவடிக்கைகளை விரைந்து  மேற்கொள்ளவும் முடிவு எடுக்கப்பட்டது.