சகோதரரின் சடலமும் மீட்பு

எம்.எஸ்.எம்.நூர்தீன், ஏ.எச்.ஏ. ஹுஸைன்

மட்டக்களப்பு, கல்லடிப்பால வாவிக்கருகில் கடந்த 26ஆம் திகதி சடலமாக மீட்கப்பட்ட மட்டக்களப்பு மின்சாரசபை காரியாலயத்தில் மின் அத்தியட்சகராக கடமையாற்றிவந்த க.உமாரமணன் (33 வயது) என்பவரின் சகோதரரான க.சரோஜிதன் (22) என்பவரும் நேற்று (28) சடலமாக மீட்கப்பட்டுள்ளார்.

கல்லடியிலுள்ள அவரது வீட்டில் சடலமாக கிடப்பதாக காத்தான்குடி பொலிஸாருக்கு கிடைத்த தகவலையடுத்து அங்கு சென்ற பொலிஸார் சடலத்தை மீட்டு, மட்டக்களப்பு போதனா வைத்தியசாலைக்கு கொண்டு சென்றனர்.

இச்சம்பவம் தொடர்பான விசாரணையை மேற் கொண்டு வருவதாக காத்தான்குடி பொலிஸார் தெரிவித்தனர்.