சோளம் செய்கையில் வீழ்ச்சி

எம்.எஸ்.எம்.நூர்தீன்

மட்டக்களப்பு மாவட்டத்தில் காட்டு யானைகளின் அச்சுறுத்தல் காரணமாக கடந்த வருடங்களை விட, இந்த வருடத்தில் சோளம் செய்கையில்  வீழ்ச்சி ஏற்பட்டுள்ளதாக மாவட்ட விவசாயப் பிரதிப் பணிப்பாளர் இ.கோகுலதாஸன் தெரிவித்தார்.

மாவட்டத்தில் கடந்த வருடங்களில் சிறுபோகம் மற்றும் பெரும்போக சோளச் செய்கையின்போது,   4,000 ஏக்கரில் செய்கை பண்ணப்பட்டது. ஆனால், இந்த வருடம் 3,850 ஏக்கரிலேயே சோளம் செய்கை பண்ணப்பட்டுள்ளது.

வாகரை, வாழைச்சேனை, வெல்லாவெளி தியாவெட்டுவான் பழுகாமம், கரடியனாறு தாந்தாமலை போன்ற பிரதேசங்களிலேயே சோளம் செய்கை பண்ணப்பட்டுள்ளது. இவ்வாறு வளர்ந்துவரும் சோளப் பயிர்களை யானைகள் அழித்து வருவதாகவும் அவர் கூறினார்.