ஞாயிற்றுக்கிழமைகளில் வகுப்புகள் நடத்தப்படும் தனியார் கல்வி நிலையங்கள் மீது நடவடிக்கை

-பேரின்பராஜா சபேஷ், நல்லதம்பி நித்தியானந்தன்
 
மட்டக்களப்பு மாவட்டத்தில் ஞாயிற்றுக்கிழமை மற்றும்; ஏனைய தினங்களில் அதிகாலை மற்றும் மாலையில் 6 மணிக்குப் பின்னர் வகுப்புகள் நடத்தப்படும் தனியார் கல்வி நிலையங்கள் மீது சட்ட நடவடிக்கை எடுக்குமாறு மாவட்டப் பிரதிப் பொலிஸ் மா அதிபருக்கு மட்டக்களப்பு நீதவான் நீதிமன்ற நீதவான் எம்.கணேசராசா பணித்துள்ளார்.

தனியார் கல்வி நிலையங்கள் பலவற்றில்  இரவு  வேளைகளில் வகுப்புகள் நடத்தப்படுகின்றமை தொடர்பில்  
மாவட்டப் பிரதிப் பொலிஸ் மா அதிபர் மற்றும் மட்டக்களப்பு நீதவான் நீதிமன்ற நீதவான் எம்.கணேசராசா ஆகியோரின் கவனத்துக்கு செவ்வாய்க்கிழமை (4)  பெற்றோர் கொண்டுவந்தனர்.

இதனை அடுத்தே, இப்பணிப்புரையை நீதவான் விடுத்துள்ளார்.