டெங்கற்ற பாடசாலையாக அல் மினா தெரிவு

எச்.எம்.எம்.பர்ஸான்

கோறளைப்பற்று மேற்கு சுகாதார வைத்திய அதிகாரி அலுவலகப் பிரிவின் கீழுள்ள பாடசாலைகளுக்கிடையில் நடைபெற்ற டெங்கற்ற பாடசாலை தெரிவுப் போட்டியில், ஓட்டமாவடி - பதுரியா நகர் அல் மினா வித்தியாலயம் முதலிடம் பெற்றுள்ளது.

குறித்த பகுதியிலுள்ள பாடசாலைகளின் சூழல்களை, பொதுச் சுகாதார பரிசோதகர்கள், பிரதேச செயலக அதிகாரிகள், பொலிஸார் இணைந்து பரிசோதனை செய்தனர்.

அந்த வகையில், டெங்கற்ற பாடசாலைகளில் அல் மினா வித்தியாலயம் முதலிடம் பெற்றுள்ளதோடு, ஓட்டமாவடி பாத்திமா பாலிகா வித்தியாலயம் இரண்டாம் இடத்தையும் ஓட்டமாவடி தாருல் உலூம் வித்தியாலயம் மூன்றாம் இடத்தையும் பெற்றுள்ளன.