டெங்கு நோயாளர்கள் 83 ​பேர் இனங்காணப்பட்டனர்

எம்.எம்.அஹமட் அனாம்

வாழைச்சேனை, கோறளைப்பற்று மத்தி, பொது சுகாதாரப் பிரிவில் கடந்த ஜனவரி மாதம் முதல் மார்ச் மாதம் வரை, டெங்கு நோயாளர்கள் 83 பேர் இனங்காணப்பட்டுள்ளனரென, கோறளைப்பற்று சுகாதார வைத்திய அதிகாரி டொக்டர்.எஸ்.நஜீப்ஹான் தெரிவித்தார்.

தேசிய டெங்கொழிப்பு வாரத்தை முன்னிட்டு, நேற்று (04) இடம்பெற்ற டெங்கு சோதனை நடவடிக்கையின் போதே, அவர் இதனைத் தெரிவித்தார்.

“வாழைச்சேனை, கோறளைப்பற்று  பிரிவிலுள்ள செம்மண்ணோடை, பிறைந்துறைச்சேனை  ஆகிய இரு பிரதேசங்களுமே அதிக டெங்கு  நோயாளர்கள் காணப்படும் பிரதேசமாக இனங்காணப்பட்டுள்ளன” எனவும் வைத்திய அதிகாரி மேலும் தெரிவித்தார்.