தற்கொலைதாரியின் உடற்பாகங்களை புதைப்பதற்கு அனுமதி மறுப்பு

எம்.எஸ்.எம்.நூர்தீன்

மட்டக்களப்பு சீயோன் தேவாலயத்தில் தற்கொலைத் தாக்குதல் நடத்திய பயங்கரவாதியின் உடற்பாகங்களை, காத்தான்குடியில் அடக்கம் செய்வதற்கு காத்தான்குடி நகரசபை அனுமதி மறுத்துள்ளது.   

காத்தான்குடி நகர சபையின் விசேட அமர்வு, இன்று (12) நடைபெற்ற போதே இந்தத் தீர்மானம் நிறைவேற்றப்பட்டுள்ளது.  

காத்தான்குடி நகரசபையின் தவிசாளர் எஸ்.எச்.அஸ்பர் தலைமையில் நடைபெற்ற இந்த விசேட அமர்வில், தற்கொலைதாரி அசாத்தின் உடற்பாகங்களை எக்காரணம் கொண்டு காத்தான்குடியில் அடக்கம் செய்வதற்கு காத்தான்குடி நகரசபை அனுமதி வழங்குவதில்லை என தீர்மானம் நிறைவேற்றப்பட்டது.