துருப்பிடித்த துப்பாக்கி மீட்பு

எம்.எஸ்.எம்.நூர்தீன்

காத்தான்குடி பொலிஸ் பிரிவிலுள்ள புதிய காத்தான்குடி, அன்வர் பள்ளிவாசல் வீதியிலுள்ள வெற்றுக் காணியொன்றிலிருந்து துருப்பிடித்த துப்பாக்கியொன்றின் முன்பகுதி, நேற்று (29) மீட்கப்பட்டுள்ளதாக, பொலிஸார் தெரிவித்தனர்.

இராணுவத்தினர் ரோந்து நடவடிக்கை மேற்கொண்டிருந்த போது இதனைக் கண்டு, மீட்டுள்ளனர்.

இதனையடுத்து, இராணுவ அதிகாரிகளும் பொலிஸாரும் ஸ்தலத்துக்குச்  சென்று காணி உரிமையாளரிடமும் விசாரணைகளை முன்னெடுத்துள்ளதுடன், இது தொடர்பில் தொடர்ந்தும் விசாரணைகள் மேற்கொள்ளப்பட்டு வருவதாகவும் பொலிஸார் தெரிவித்தனர்.