தேங்காயின் விலை மேலும் அதிகரிப்பு

கிழக்கு மாகாணத்தில் தேங்காயின் விலை மேலும் அதிகரித்துள்ளது. 

மட்டக்களப்பு மாவட்டத்தில் கடந்த சில தினங்களாக 100 ரூபாவுக்கு விற்பனை செய்யப்பட்ட தேங்காய், இன்று (08) 120 ரூபாய்க்கு விற்பனை செய்யப்படுகின்றது.

சிறிய தேங்காய்களும் 70, 80 ரூபாய்களுக்கு விற்பனை செய்யப்படுகின்றன.

மட்டக்களப்பு மாவட்டத்துக்குக் தேங்காயின் வருகை குறைவடைந்துள்ள போதிலும், உள்ளூரில் உற்பத்தி செய்யப்படும் தேங்காய்களையே, சந்தையில் காணக்கூடியதாக இருக்கின்றது.

தேங்காய்கள், வெளி மாவட்டங்களில் வருவது குறைவடைந்துள்ளதாகவும் தேங்காய் வியாபாரிகள் தெரிவிக்கின்றனர்.

தேங்காய்கள் விற்பணை செய்யும் கடைகள் சில மூடப்பட்டுக்கிடப்பதையும் காணக் கூடியதாகவுள்ளது.