தாய்ப்பால் புரைக்கேறி குழந்தை உயிரிழப்பு

-ஏ.எச்.ஏ.ஹுஸைன்

மட்டக்களப்பு, செங்கலடி சுகாதார வைத்திய அதிகாரி பிரிவிலுள்ள தளவாய்க் கிராமத்தில் தாய்ப்பால் புரைக்கேறியதால், பிறந்து மூன்று மாதங்களேயான குழந்தை ஒன்று  செவ்வாய்க்கிழமை அதிகாலை உயிரிழந்துள்ளதாகப் பொலிஸார் தெரிவித்தனர்.

தளவாய்க் கிராமத்தைச் சேர்ந்த விஜயகாந்த் தனுக்ஷன் என்ற ஆண் குழந்தையே உயிரிழந்துள்ளது.

குழந்தை அழுதபோது, அக்குழந்தைக்குத் தாய்ப்பால் அருந்தக் கொடுத்து படுக்க வைத்ததாகவும் காலையில் எழுந்து பார்த்தபோது,  குழந்தை உயிரிழந்து காணப்பட்டதாக விசாரணையில் தெரியவந்துள்ளதாகவும் பொலிஸார் கூறினர்.