பெண் தலைமைத்துவ குடும்பங்களுக்கு சுயதொழில் உதவி

-ஏ.எச்.ஏ.ஹுஸைன்

கடந்த யுத்தத்தினால் கணவனை இழந்த இரண்டு பெண் தலைமைத்துவக் குடும்பங்களுக்கு சுயதொழிலுக்கான உதவி  திங்கட்கிழமை வழங்கப்பட்டது.

மகளிர் விவகார அமைச்சின் நிதி ஒதுக்கீட்டின் கீழ், இவர்களுக்கு சுயதொழில் உதவியாக தலா 30,000 ரூபாய் படி காசோலைகள்  வழங்கப்பட்டன.

பெண்கள் தலைமை தாங்கும் குடும்பங்களின் வாழ்வாதாரத்தை மேம்படுத்தவும் பொருளாதார ரீதியில் முன்னேற்றுவதற்காகவும்; இவர்களுக்கு இந்த உதவி வழங்கப்பட்டதாக பிரதேச செயலாளர் எஸ்.சுதாகர் தெரிவித்தார்.

மண்முனை மேற்கு வவுணதீவு பிரதேச செயலகத்தில்  நடைபெற்ற நிகழ்வில் பிரதேச செயலாளர் எஸ்.சுதாகர், உதவிப் பிரதேச செயலாளர் எஸ்.ராஜ்பாபு உட்பட பலர் கலந்துகொண்டனர்.