மட்டக்களப்பிலிருந்து வெளி மாவட்டங்களுக்கு நெல் கொண்டு செல்ல தடை

கனகராசா சரவணன்

மட்டக்களப்பு மாவட்டத்தில் இருந்து வேறு மாவட்டங்களுக்கு நெல் கொண்டு செல்ல தற்காலிகத் தடை விதிக்கப்பட்டுள்ளதாக, மாவட்டச் செயலாளர் கலாமதி பத்மராஜா தெரிவித்தார்.

அரிசித் தட்டுப்பாடு ஏற்பட்டு மக்கள் பட்டிணியினால் பாதிக்கப்படாமலிருக்க அனைத்து அரிசி ஆலைகளும் திறக்கப்பட்டு இயங்க வேண்டும் எனவும், மாவட்டத்தினுடைய அரிசித் தேவையைப் பூர்த்தி செய்த பின்னரே பிற மாவட்டங்களுக்கு அரிசி விநியோகிக்க வேண்டும் எனவும், அரசின் கட்டுப்பாட்டு விலைக்கே அரிசி விற்பனை செய்ய வேண்டும் எனவும் அரிசி ஆலை உரிமையாளர்களையும் மாவட்டச் செயலாளர் கேட்டுக் கொண்டார். 

அத்துடன், மாவட்டத்தின் எந்த இடத்திலிருந்தும் வியாபாரிகள் அரிசியியைக் கொள்வனவு செய்யமுடியும் எனவும் அதற்கான வசதிகள் செய்துதரப்படும் எனவும் அரிசி ஆலை உரிமையாளர்கள் இலாப நோக்கமற்று மக்களுக்கு சேவை வழங்க முன்வரவேண்டுமென,மாவட்டச் செயலாளர் கலாமதி பத்மராஜா வேண்டுகோள் விடுத்துள்ளார்.