மட்டு.மாவட்டத்தில் கிராமசேவகர்கள் பணிப்பகிஷ்கரிப்பு

எம்.எம்.அஹமட் அனாம்

மட்டக்களப்பு, ஓட்டமாவடி பிரதேச செயலக பிரிவின் காகிதநகர் கிராம சேவகர், அந்தப் பிரதேசத்துக்கான ஸ்ரீ லங்கா பொதுஜன பெரமுனவின் பிரமுகரால் தாக்கப்பட்டதைக் கண்டித்து, மட்டக்களப்பு மாவட்டத்தில் உள்ள அனைத்து கிராம சேவகர்களும், இன்று (20) மாலை முதல் பணிப்பகிஷ்கரிப்பில் ஈடுபட்டுள்ளனர்.

குறித்த கிராம சேவகர் தாக்குதலுக்கு உள்ளாகி நான்கு நாள்கள் கடந்துள்ள நிலையில், தாக்குதலுடன் தொடர்புடையவர் இதுவரை கைதுசெய்யப்படாத நிலையில், அதனைக் கண்டித்து, கிராமசேகவர்கள் பணிப்பகிஷ்கரிப்பில் ஈடுபட்டுள்ளதாக, மட்டக்களப்பு மாவட்ட கிராம அதிகாரிகள் சங்கம் அறிவித்துள்ளது.

இதேவேளை பாதிக்கப்பட்ட கிராம சேவை அதிகாரி, வாழைச்சேனை ஆதார வைத்தியசாலையில் தொடர்ந்தும் சிகிச்சை பெற்று வருகின்றமை குறிப்பிடத்தக்கது.