மட்டக்களப்பில் 65,750.5 ஏக்கரில் சிறுபோக நெற்;செய்கை

-கே.எல்.ரி.யுதாஜித்

மட்டக்களப்பு மாவட்டத்தில் இம்முறை  65,750.5 ஏக்கரில்  சிறுபோக நெற்செய்கை மேற்கொள்ளப்படவுள்ளது என  மாவட்ட மேலதிக அரசாங்க அதிபர் எஸ்.கிரிதரன், இன்று (4) தெரிவித்தார்.

இந்நிலையில், பெரிய நீர்ப்பாசனத்தின் கீழ் 54,027 ஏக்கரிலும் சிறிய நீர்ப்பாசனத்தின் கீழ் 11,723.5 ஏக்கரிலும் சிறுபோக நெற்செய்கை  மேற்கொள்ளப்படவுள்ளது எனவும் அவர் கூறினார்.

மேலும், அம்பாறை மாவட்டத்தில்; நீர்ப்பாசனத்தின் ஊடாக மேற்கொள்ளப்படும் 5,000 ஏக்கருக்கும் மேற்பட்ட வேளாண்மைச் செய்கைக்கு நீர்ப்பாசனம் கிடைக்கவில்லை என்பதும் குறிப்பிடத்தக்கது.