மதுபானப் போத்தல்களுடன் ஒருவர் கைது

-வா.கிருஸ்ணா

சட்டவிரோதமாக 100 மதுபானப் போத்தல்களை கொண்டுசென்ற குற்றச்சாட்டின் பேரில் ஒருவரை மட்டக்களப்பு, வவுணதீவுப் பொலிஸ் பிரிவில் இன்று திங்கட்கிழமை அதிகாலை கைதுசெய்துள்ளதுடன், அம்மதுபானப் போத்தல்களையும் பொலிஸார் கைப்பற்றியுள்ளனர்.

ஒருதொகை மதுபானப் போத்தல்கள் வவுணதீவு ஆற்றின் ஊடாக தோணியில் கொண்டுவரப்படுவதாக தமக்குக் கிடைத்த தகவலை அடுத்து, குறித்த ஆற்றுப்பகுதிக்குச் சென்று தேடுதல் மேற்கொள்ளப்பட்டது. இதன்போது, மேற்படி மதுபானப் போத்தல்கள் கண்டுபிடித்துள்ளதுடன், சந்தேக நபரையும் கைதுசெய்துள்ளதாகவும் பொலிஸார் தெரிவித்தனர்.

மட்டக்களப்பு நகரிலிருந்து இம்மதுபானப் போத்தல்கள் கொண்டுவரப்பட்டுள்ளமை விசாரணையிலிருந்து தெரியவந்துள்ளதாகவும் பொலிஸார் கூறினர்.