மரக்குற்றிகளுடன் இருவர் கைது

-பேரின்பராஜா சபேஷ்,ஏ.எச்.ஏ.ஹுஸைன்

மீன் கொண்டுசெல்லும் பாணியில் குளிரூட்டப்பட்ட லொறி ஒன்றில் சட்டவிரோதமாகக் கொண்டுசெல்லப்பட்ட 17 தேக்குமரக் குற்றிகளை மட்டக்களப்பு, கிரான் -தொப்பிகலச் சந்தியில்  செவ்வாய்க்கிழமை அதிகாலை கைப்பற்றியுள்ள பொலிஸார், மேற்படி  லொறியின் சாரதியையும் நடத்துநரையும் கைதுசெய்துள்ளனர்.

ரோந்து நடவடிக்கையில் ஈடுபட்டிருந்த பொலிஸார், இந்த லொறியை வழிமறித்துச் சோதனையிட்டபோது, அதில் மரக்குற்றிகள் இருந்தமை தெரியவந்தது.
 
ஏறாவூர்ப் பொலிஸ் பிரிவுக்கு உட்பட்ட சந்தணமடு ஆறுப்; பிரதேசத்தில் வெட்டப்பட்ட இம்மரக்குற்றிகள் ஓட்டமாவடிப் பிரதேசத்திலுள்ள மர ஆலைக்கு எடுத்துச்செல்லப்பட்டதாக விசாரணையில் தெரியவந்ததாகப் பொலிஸார் தெரிவித்தனர்.