மின்சாரம் தாக்கி யானை பலி; விவசாயி கைது

சூரியவெவ கிராமத்தில் உள்ள வீட்டுத் தோட்டம் ஒன்றுக்குள் உட்புகுந்த காட்டு யானையொன்று, மின்சாரம் பாய்ச்சப்பட்ட வேலியில் சிக்கி, ஸ்தலத்திலே மரணமடைந்துள்ளதாக, சூரியவெவ பொலிஸார் தெரிவித்தனர்.

சனிக்கிழமை (30) இடம்பெற்ற இந்தச் சம்பவத்தில் சுமார் 30 வயதுடைய தனியன் காட்டுயானை ஒன்றே உயிரிழந்துள்ளதாக, வனஜீவராசி திணைக்கள அதிகாரிகள் தெரிவித்தனர்.

இச்சம்பவம் தொடர்பாக வீட்டுத் தோட்ட வேலிக்கு மின்சாரம் பாய்ச்சிய விவசாயியை, பொலிஸார் கைதுசெய்து விசாரணைக்குட்படுத்தியுள்ளனர்.

இதேவேளை, இங்குள்ள விவசாயிகளின் வீட்டுத் தோட்டங்கள் தொடர்ச்சியாக காட்டு யானைகளால் துவம்சம் செய்யப்பட்டு வருவதாக விவசாயிகள் கவலை தெரிவிக்கின்றனர்.