மோட்டார் சைக்கிள்கள் மோதியதில் ஒருவர் படுகாயம்

மட்டக்களப்பு – காத்தான்குடி பொலிஸ் பிரிவிலுள்ள கல்லடி பிரதான வீதியில் நடந்து சென்ற சுமார் 60 வயது மதிக்கத்தக்க ஆண் மீது மோட்டார் சைக்கிளொன்று மோதியுள்ளது. இதனையடுத்து கீழே விழுந்து கிடந்த அவர் மீது தொடர்ந்து வந்த மற்றொரு மோட்டார் சைக்கிள் ஏறிச் சென்றுள்ளது.

நேற்று (16) மாலை ஏற்பட்ட விபத்தில் படுகாயமடைந்த குறித்த நபர், மட்டக்களப்பு போதனா வைத்தியசாலையில் அனுமதிக்கப்பட்டுள்ளாரென, பொலிஸார் தெரிவித்தனர்.

இந்தச் சம்பவம் தொடர்பாக காத்தான்குடி போக்குவரத்துப் பொலிஸார் விரிவான விசாரணைகளில் ஈடுபட்டுள்ளனர்.