மின்வெட்டு

-எம்.எஸ்.எம்.நூர்தீன்

இலங்கை மின்சார சபையின் பராமாரிப்பு வேலை காரணமாக மட்டக்களப்பு மாவட்டத்தின் சில பகுதிகளில் எதிர்வரும் நான்கு தினங்களுக்கு  மின்வெட்டு மேற்கொள்ளப்படவுள்ளதாக மாவட்ட மின் பொறியியலாளர் பணிமனை அறிவித்தது.

நாளை வியாழக்கிழமை காலை 09 மணி முதல் மாலை 05 மணிவரை சித்தாண்டி, மாவடிவேம்பு, வந்தாறுமூலை, செங்கலடி, ஏறாவூர் ஆகிய பகுதிகளிலும் முற்பகல் 10 மணி முதல் நண்பகல் 12 மணிவரை நாவலடி, புனாணை, வாகனேரி, ரிதிதென்ன, ஜயந்தியாய, மயிலந்தென்னை ஆகிய பகுதிகளிலும் மின்வெட்டு மேற்கொள்ளப்படவுள்ளது.

நாளை மறுதினம் வெள்ளிக்கிழமை காலை 09 மணி முதல்  மாலை 05 மணிவரை கல்லடி, நாவற்குடா, மஞ்சந்தொடுவாய் ஆகிய பகுதிகளில் மின்வெட்டு மேற்கொள்ளப்படவுள்ளது.

எதிர்வரும் சனிக்கிழமை காலை 09 மணி முதல்  மாலை 05 மணிவரை பிரதான வீதி, காந்தி வீதி, மத்திய வீதி, புனித அந்தோனியார் வீதி, நீதிமன்ற வளாகம், மாநகரசபை வளாகம், பிரதேச செயலக வளாகம், ஆஸ்பத்திரி வீதி, லேக் வீதி -01, லேக் வீதி -02 ஆகிய இடங்களில் மின்வெட்டு மேற்கொள்ளப்படவுள்ளது.