ஏறாவூர் இரட்டைப் படுகொலை 6 சந்தேக நபர்களின் விளக்கமறியல் நீடிப்பு

-பேரின்பராஜா சபேஷ், ஏ.எச்.ஏ.ஹுஸைன், நல்லதம்பி நித்தியானந்தன்
 
ஏறாவூரில் இடம்பெற்ற இரட்டைப் படுகொலைச் சம்பவம் தொடர்பான 6  சந்தேக நபர்களினதும் விளக்கமறியல் எதிர்வரும் 19ஆம் திகதிவரை நீடிக்கப்பட்டுள்ளது.
 
ஏறாவூர் சுற்றுலா நீதவான் நீதிமன்றத்தில்  மட்டக்களப்பு மேலதிக நீதிபதி  எம்.ஐ.எம்.றிஸ்வி முன்னிலையில்  இன்று (5) இவர்களை ஆஜர்படுத்தியபோதே, நீதவான் இவர்களுக்கான விளக்கமறியலை நீடித்துள்ளார்.

மேலும், எதிர்வரும் 19ஆம் திகதி ஏறாவூர் சுற்றுலா நீதவான் நீதிமன்ற விடுமுறை தினம் என்பதன் காரணமாக அன்றையதினம் இச்சந்தேக நபர்களை மட்டக்களப்பு நீதவான் நீதிமன்றத்தில் ஆஜர்படுத்துமாறு நீதிபதி உத்தவிட்டார்.

ஏறாவூர், முகாந்திரம் வீதியை அண்டி அமைந்துள்ள தங்களின் வீட்டில் வசித்துவந்த தாயான  நூர்முஹம்மது ஹுஸைராவும் (வயது 56) அவரது திருமணமாகிய மகளான முஹம்மது யூசுப் ஜெஸீரா பானுவும் (வயது 32) கொலை செய்யப்பட்ட நிலையில் அவர்களின் சடலங்கள்  கடந்த செப்டெம்பர் 11ஆம் திகதி மீட்கப்பட்;டிருந்தன.