சந்திவெளியிலுள்ள நாகதம்பிரான் கோவிலின் மடப்பள்ளி சேதம்

-பேரின்பராஜா சபேஷ்

 
மட்டக்களப்பு, சந்திவெளி பாலயடித்தோனா நாகதம்பிரான் கோவிலின் மடப்பள்ளி இனந்தெரியாதோரால் ஞாயிற்றுக்கிழமை (08) இரவு உடைக்கப்பட்டுள்ளதுடன், உண்டியலும்;; திருட்டுப் போயுள்ளதாக  தம்மிடம்  அக்கோவில் நிர்வாகத்தினர் முறைப்பாடு செய்துள்ளதாகப் பொலிஸார் தெரிவித்தனர்.

இன்று (09) காலை கோவிலுக்குச் சென்ற மேற்படி நிர்வாகத்தினர், மடப்பள்ளி உடைக்கப்பட்டதையும் அதில் வைக்கப்பட்டிருந்த பொருட்களும் கோவிலில் வைக்கப்பட்டிருந்த உண்டியலும் திருட்டுப் போயுள்ளமையை அவதானித்துள்ளனர்.
 
இது தொடர்பில் தமக்கு முறைப்பாடு செய்துள்ள நிலையில், விசாரணையை முன்னெடுத்துள்ளதாகவும் பொலிஸார் கூறினர்.