வறிய மாணவர்களுக்கு கற்றல் உபகரணங்கள் வழங்கும் நிகழ்வு

(ஸரீபா)

கோறளைப்பற்று பிரதேச செயலாளர் பிரிவிற்குட்பட்ட பிரதேசங்களில் வறிய மாணவர்களுக்கு கற்றல் உபகரணங்கள் வழங்கும் நிகழ்வு நேற்று வெள்ளிக்கிழமை பிரதேச செயலக கேட்போர் கூடத்தில் நடைபெற்றது. 

கோறளைப்பற்று பிரதேச செயலக சிறுவர் உரிமைகள் மேம்பாட்டு உத்தியோகத்தர் தலைமையில் நடைபெற்ற இந்நிகழ்வில், உதவிப் பிரதேச செயலாளர் எஸ்.ராஜ்பாபு, வாழைச்சேனை கொமர்ஷல் வங்கி மற்றும் சனச வங்கி ஆகியவற்றின் அதிகாரிகளும் கலந்துகொண்டு கற்றல் உபகரணங்களை வழங்கி வைத்தனர்.

இதன்போது 26 வறிய மாணவர்களுக்கு கற்றல் உபகரணங்கள் வழங்கி வைக்கப்பட்டன.