வின்சன்ற் மகளிர் பாடசாலையில் நிர்மாணிக்கப்பட்ட சரஸ்வதி சிலை அகற்றப்பட்டது

(ரி.லோஹித், எம்.சுக்ரி)

மட்டக்களப்பு, வின்சன்ற் மகளிர் தேசியப் பாடசாலையில் நிர்மாணிக்கப்பட்டிருந்த  சரஸ்வதி சிலை அங்கிருந்து நேற்று வியாழக்கிழமை அகற்றப்பட்டுள்ளது. வின்சன்ற் மகளிர் தேசியப் பாடசாலையானது மெதடிஸ்த திருச்சபையின் கீழ் கட்டப்பட்டு 1960 ஆண்டு அரசாங்கத்திடம் ஒப்படைக்கப்பட்டிருந்தது.

இந்த நிலையில் குறித்த பாடசாலையில் மூன்று மதங்களை சேர்ந்த மாணவிகளும் கல்வி கற்று வந்த நிலையில் பாடசாலை அபிவிருத்தி சங்கத்தினால் சரஸ்வதி சிலை அமைக்கப்பட்டிருந்தது.

நேற்று வியாழக்கிழமை புதிய கட்டிடத் திறப்பு விழாவிற்கு வருகைதந்த பொருளாதார அபிவிருத்தி அமைச்சரும் ஜனாதிபதியின் ஆலோசகருமான பஸில் ராஜபக்ஷவினால் மேற்படி சிலையும் திறக்கப்படவிருந்தது.

இந்த நிலையில் நேற்று முன்தினம் புதன்கிழமை பிற்பகல் முதல் குறித்த பாடசாலையின் பழைய மாணவர்களும், மெதடிஸ்த மற்றும் கிறிஸ்தவ அமைக்களும் மேற்கொண்ட எதிர்ப்பு காரணமாக நேற்று காலை அச்சிலை அகற்றப்பட்டுள்ளமை குறிப்பிடத்தக்கது.