பங்களாதேஸ் உயர்ஸ்தானிகர் மட்டக்களப்பு விஜயம்

(எம்.சுக்ரி, ஜிப்ரான்)

இலங்கையிலுள்ள பங்களாதேஸ் உயர்ஸ்தானிகர் மஹ்பூப் உஸ் ஸமான் இன்று வெள்ளிக்கிழமை மாலை மட்டக்களப்புக்கு விஜயம் செய்தார். மட்டக்களப்புக்கு விஜயம் செய்த பங்களாதேஸ் நாட்டுத்தூதுவர் மட்டக்களப்பு மாநகர மேயர் திருமதி சிவகீர்த்தா பிரபாகரனை அவரது அலுவலகத்தில் வைத்து சந்தித்தார்.

இதன்போது மட்டக்களப்பு நகரின் தற்போதைய நிலைமை மற்றும் மாநகர அபிவிருத்தி தொடர்பாகவும் மக்களின் நிலைமை தொடர்பாகவும் மாநகர மேயரிடத்தில் பங்களாதேஸ் நாட்டுத்தூதுவர் கேட்டறிந்து கொண்டார். இதன்போது மட்டக்களப்பு மாநகர ஆணையாளர் கே.சிவநாதனும் கலந்து கொண்டார்.