மட்டு. மாநகரசபைக்குட்பட்ட பகுதிகளில் இரவுநேர மின்வெட்டு

(ஜிப்ரான்)

இலங்கை மின்சார சபையின் பராமரிப்பு வேலைகள் காரணமாக மட்டக்களப்பு மாநகர சபை பிரதேசத்தில் நான்கு நாட்களுக்கு இரவு நேர மின்வெட்டு அமுல்படுத்தப்படும் என இலங்கை  மின்சார சபையின் மட்டக்களப்பு மாவட்ட பிரதம மின்பொறியியலாளர் பணிமனை  தெரிவித்துள்ளது.

கல்லடி முதல்  மஞ்சந்தொடுவாய் வரையான பகுதிகளில் நாளை வியாழக்கிழமையிலிருந்து  ஞாயிற்றுக்கிழமை வரை மாலை 06.30 மணி முதல்  இரவு 09 மணி வரை  மின்வெட்டு அமுல்படுத்தப்படும் என  மட்டக்களப்பு மாவட்ட பிரதம மின்பொறியியலாளர் பணிமனை குறிப்பிட்டுள்ளது.