விவசாயிகளுக்கு நஷ்டஈடு

-எம்.எம்.அஹமட் அனாம்

மட்டக்களப்பு மாவட்டத்தின் வாழைச்சேனை கமநலசேவைப் பிரிவில் 2013 - 2014ஆம் ஆண்டு பெரும்போகத்தின்போது, வரட்சியால் விவசாயச்செய்கை பாதிக்கப்பட்ட விவசாயிகள்  352 பேருக்கு நஷ்டஈட்டுக் கொடுப்பனவுக்கான காசோலைகள்  திங்கட்கிழமை  (09) வழங்கப்பட்டன.

காரையடிப்பட்டி, முருங்கையடிப்பட்டி, ஊத்துச்சேனை, அக்குரானை, வடமுனை, முள்ளிவட்டுவான், சாப்பமடு, கல்வலை, புனானை, படுகாடு, ஆனைவழங்கி ஆகிய விவசாயக்கண்டங்களைச் சேர்ந்த விவசாயிகளுக்கே  காசோலைகள் வழங்கப்பட்டன.

வாழைச்சேனை கமநல சேவை நிலையத்தில்  நடைபெற்ற நிகழ்வில், வரட்சிப்  பாதிப்புக்கு உள்ளான   ஏக்கர் ஒன்றுக்கு 2,800 ரூபாய் படி மொத்தமாக  1,387 ஏக்கருக்கு மொத்தமாக 3,883,600 ரூபாய் வழங்கப்பட்டது.

வாழைச்சேனை கமநல சேவைகள் காரியாலய கமநல அபிவிருத்தி உத்தியோகத்தர் எம்.ஏ.றீட், கிரான் பிரதேச செயலக உத்தியோகத்தர்கள் உள்ளிட்ட பலர் இந்த நிகழ்வில் கலந்துகொண்டனர்.