இலங்கைக்கான அமெரிக்க மத்திய நிலையத்தின் பணிப்பாளர் மட்டு. விஜயம்

-வா.கிருஸ்ணா

இலங்கைக்கான அமெரிக்க மத்திய நிலையத்தின் பணிப்பாளர் நிகொள் சுளிக் மட்டக்களப்பு மாவட்டத்துக்கு நேற்று செவ்வாய்க்கிழமை வருகைதந்தார்.

அமெரிக்க நிதியுதவியுடன் மட்டக்களப்பு ஹேட்வே கல்லூரியில் ஆங்கிலமொழி மற்றும் தொழில் பயிற்சிகளை  மேற்கொண்டுவரும் மாணவர்களை இவர் சந்தித்து கலந்துரையாடினார். இந்த மாணவர்களுடன் கலந்துரையாடிய அவர், கற்றல் செயற்பாடுகள் மற்றும் அவர்களின் கல்வி நடவடிக்கைகள் தொடர்பிலும் கேட்டறிந்துகொண்டார்.

அமெரிக்க அரசாங்கத்தின் நிதியுதவியுடன், மட்டக்களப்பு கல்வி வலயத்துக்குட்பட்ட பாடசாலைகளிலிருந்து வறுமைக் கோட்டுக்கு கீழுள்ள மாணவர்கள் மேற்படி பயிற்சிகளுக்காக தெரிவுசெய்யப்பட்டுள்ளனர்.